Amber Rose bën emrat e fëmijëve tatuazh në ballë

23:52 | 11 Shkurt 2020
Trina Galanxhi

Amber Rose njihet si një femër tejet e guximshme.

Modelja e famshme, Amber Rose, ka guxuar edhe kësaj here, shkruajnë media e huaja, transmeton lajmi.net.

Ajo ka vendosur që të bëjë tatuazh emrat e dy fëmijëve të saj, madje vendi që e ka zgjedhur është fytyra.

Modelja 36 vjeçare është parë me një tatuazh goxha të madh në ballë ku shkruan “Bash” dhe “Slash” – emrat e dy fëmijëve të saj.

Rose ka djalin shtatëvjeçar Sebastian Taylor Thomaz – që njihet me nofkën Bash – me ish-bashkëshortin Wiz Khalifa. Në ndërkohë, ajo në muajin tetor është bërë sërish nënë e një vogëlushi – Slash Electric Alexander Edwards – me të dashurin Alexander “AE” Edwards.

Tatuazhi i saj është kapur nga paparacët ndërsa vetë Rose nuk ka publikuar akoma diçka në rrjete sociale, as edhe në llogarinë e saj në Instagram aty ku është aktive.